Son zamanlar orduda əsgər intiharlarının sayında artım müşahidə olunur.  Buna səbəb orduya nəzarətin olmaması və əsgərlərin psixoloji durumudur.  Azərbaycan ordusunda nələr baş verir? Eyni gündə iki əsgər intihar edib. Bakının “N” saylı hərbi hissəsinin hərbi qulluqçusu İlkin Ələkbərov və Qubadlı “N” saylı hərbi hissəsinin hərbi qulluqçusu Telman Əyyubov odlu silahdan atəş açaraq intihar ediblər.  İntiharların səbəbləri demək olar ki, tam araşdırılmır və ictimaiyyətə məlumat verilmir.  Əsgərlərin intihar etməsinə nə səbəb ola bilər? Rəsul Ə.

Bu Əhəd Abıyev kimdir?  Əhəd Abıyev Daşkəsən Rayon İcra Hakimiyyətinin başçısı olub. Bir neçə il əvvəl Daşkəsənin icra başçısı Əhəd Abıyev Ermənistanın əvəzinə Kolumbiyanın bayrağını “sındırmaqla” gündəmə gəlmişdi.  Bundan əlavə, “Youtube”un baş redaktorunu axtarırdı. Bir neçə il əvvəl “Youtube”a Daşkəsənin icra başçısı Əhəd Abıyevi tənqid edən video yüklənmişdi. Əhəd onu tənqid edən videonu YouTube-dan sildirmək istəyib. O, Bakıda jurnalistlərə zəng edib “Youtube”un baş redaktorunun nömrəsini istəyərək deyibki: “Ə, özüm yığıb danışacam, başa salacam mən kiməm”. Əhədə deyiblər ki, ay kişi, bu Amerika şirkətidir, zəng və sifariş ilə videoları silmirlər. Əhəd isə təkid edib ki, nömrəni ver, özüm həll edəcəm. Rəsul Ə.

 İlham Əliyev əvvəlki çıxışlarında deyirdi ki, xalq mənə ölkədəki qanunsuzluqlarla bağlı siqnal verməlidir. Gədəbəydə baş verənlər siqnal deyilmi? İnsanlar Gədəbəydə və Söyüdlüdə baş verənlərlə bağlı reaksiya və açıqlamalar gözləyirlər amma İlham Əliyev Fransadakı etiraz aksiyalarından danışır, Gədəbəylə bağlı susur. Rəsul Ə.

İctimai-siyasi fəalların hüquqlarını müdafiə edən vəkil Elçin Sadıqov Vəkillər Kollegiyasından xaric edilib. Bu barədə qərar iyulun 6-da Vəkillər Kollegiyasının Rəyasət Heyətinin iclasında qəbul edilib. Bu, birinci hal deyil, 2015-ci ildən Azərbaycanda ictimai-siyasi fəalları müdafiə edən bir sıra vəkillərin fəaliyyəti dayandırılıb. Onların arasında Xalid Bağırov, Yalçın İmanov, Əlayif Həsənov və başqaları var. Rəsul Ə.