Avropa Parlamentində də Qubad İbadoğlu ilə bağlı dinləmələr keçirilib

Avropa Parlamentində də Qubad İbadoğlu ilə bağlı dinləmələr keçirilib. Avropa Parlamentinin bir çox deputatları Azərbaycanda insan haqlarını pozan məmurlara və rejim nümayəndələrinə qarşı məqsədyönlü sanksiyaların tətbiqinə çağırıb. Bir neçə saat əvvəl Britaniya parlamenti Azərbaycandakı rejimi müzakirə edib. ABŞ senatorları və konqresmenləri az qala hər gün Azərbaycan haqqında danışırlar. Ən nüfuzlu ölkələrin parlament üzvləri Azərbaycandakı rejimin dünya miqyaslı iqtisadçı alim Qubad İbadoğlunu necə böhtan ataraq həbs etdirməsindən, Qubad bəyin səhhətindən, Azərbaycan hakimiyyətinin onun müalicəsi üçün şərait yarada bilməməsindən danışır və Qubad bəyin azadlığa buraxılmasını tələb edir. Biz də bir vətəndaş olaraq Qubad bəyin və bütün siyasi məhbusların azadlığa buraxılmasını tələb edirik.

Rəsul Ə.

Comments

Demokratiya

Azərbaycan indi demokratiya baxımından qonşularından geri qalır. Biz ancaq İranla mübahisə edə bilərik, qalanları irəlidədir. Bu bir faktdır, burada demək olmaz ki, indiki mərhələdə şərait bu cür inkişaf edib və bütün vətəndaşlarımız bunda müxtəlif dərəcədə, ictimai-siyasi əhəmiyyəti ölçüsündə günahkardır. Rəsul Ə.

Siyasi Məhbusların Yenilənmiş Siyahısı

Azərbaycanda Siyasi Məhbusların Azadlığı Uğrunda İttifaq ölkədə siyasi məhbusların yenilənmiş siyahısını açıqlayıb. Bu dəfə siyahıya 357 nəfərin adı daxil edilib ki, bu da 2024-cü il dekabrın 12-də təqdim olunan əvvəlki siyahı ilə müqayisədə 26 nəfər çoxdur. Siyahıya jurnalistlər Fərid İsmayılov, Şəmşad Ağa, Şahnaz Bəylərqızı, eləcə də İmişlidəki iğtişaşlar zamanı həbs edilən 13 nəfər və digər şəxslər daxildir. Yeni siyahı ümumilikdə 12 kateqoriyadan ibarətdir: Jurnalistlər və blogerlər – 27 nəfər Hüquq müdafiəçiləri – 4 nəfər Müxalifət partiyalarının və vətəndaş cəmiyyətinin üzvləri – 32 nəfər Milli azlıqların fəalları – 4 nəfər Müharibə əleyhinə fəallar – 2 nəfər “Söyüdlü kəndinin işi” üzrə – 2 nəfər Almaniyadan deportasiya olunmuş siyasi mühacirlər – 5 nəfər Dindarlar – 235 nəfər “Tərtər işi” üzrə məhkumlar – 8 nəfər “Gəncə işi” üzrə məhkumlar – 13 nəfər Ömürlük həbs cəzası almış şəxslər – 11 nəfər “İmişli işi” üzrə həbs olunanlar – 13 nəfər Rəsul Ə.

Müasir Azərbaycanın bütün faciəsi onun sovet modelinə uyğun qurulmasındadır. Ölkədəki “demokratik hökumət”in bütün bəzəkləri Madam Tüsso Londondakı mum fiqurlara bənzəyir: onlar orijinalın dəqiq surətləridir, lakin istisnasız olaraq hamısı susur. Eyni şey Azərbaycan dövlətində formal olaraq mövcud olan bütün “demokratik” hakimiyyət institutlarında da baş verir. Rəsul Ə.

Search This Blog