Azərbaycandakı rejimə qarşı mübarizə tarixinə adını yazdırmış igid qız Sevinc Vaqifqızı

“Abzas”ın media direktoru Ülvi Həsənli həbs olunanda “Abzas”ın baş redaktoru Sevinc Vaqifqızı Avropada idi. O, dəqiq bilirdi ki, Abzasla bağlı bu qondarma işdə onun da adı hallanacaq və Bakıya qayıdandan sonra həbs olunacaq. Avropada qalmaq imkanı var idi. Sevinc xanımın 100% həbs riski qarşısında Avropada qalmasını hamı başa düşəcək və qiymətləndirəcəkdi. Lakin Sevinc Vaqifqızı repressiya maşınına qarşı çıxaraq şərə, tiranlığa meydan oxudu. O, təyyarəyə minib Bakıya uçdu. O, təyyarədə həbs edilib. Artıq jurnalist Sevinc Vaqifqızına qarşı cinayət işi açıldığı məlum olub. Rejim ona, həmçinin Ülvi Həsənliyə qarşı Cinayət Məcəlləsinin 206.3.2-ci maddəsi ilə ittiham irəli sürməyə hazırlaşır.

İndi Azərbaycan öz tarixinin ən çətin dövrlərindən birini yaşayır. Rejim Qarabağın azad edilməsini xalqın müqavimətini qırmaq, onu tamamilə özünə tabe etmək üçün fürsətə çevirməyə çalışır. Onun korrupsiya və rüşvətxorluğunu ifşa edənlərdən, ölkəni yaxşılığa doğru dəyişmək istəyənlərdən qisas alır. Təəssüf ki, rejimə qarşı birmənalı mövqe saxlayanların sıraları getdikcə azalır. İnsanlarımız hüquqların bu dərəcədə sarsıdılmasına imkan verməməli, haqları uğrunda mübarizə aparanlara dəstəyini artırmalıdır ki, biz bu rejimə qalib gələk. Bu qaranlığa qalib gələcəyimizə şübhəm yoxdur. Sevinc Vaqifqızının kiçik bədəni ilə göstərdiyi şücaət bir çox soydaşlarımızı şərlə mübarizəyə səfərbər edir.

Rəsul Ə.

Comments

Demokratiya

Azərbaycan indi demokratiya baxımından qonşularından geri qalır. Biz ancaq İranla mübahisə edə bilərik, qalanları irəlidədir. Bu bir faktdır, burada demək olmaz ki, indiki mərhələdə şərait bu cür inkişaf edib və bütün vətəndaşlarımız bunda müxtəlif dərəcədə, ictimai-siyasi əhəmiyyəti ölçüsündə günahkardır. Rəsul Ə.

Siyasi Məhbusların Yenilənmiş Siyahısı

Azərbaycanda Siyasi Məhbusların Azadlığı Uğrunda İttifaq ölkədə siyasi məhbusların yenilənmiş siyahısını açıqlayıb. Bu dəfə siyahıya 357 nəfərin adı daxil edilib ki, bu da 2024-cü il dekabrın 12-də təqdim olunan əvvəlki siyahı ilə müqayisədə 26 nəfər çoxdur. Siyahıya jurnalistlər Fərid İsmayılov, Şəmşad Ağa, Şahnaz Bəylərqızı, eləcə də İmişlidəki iğtişaşlar zamanı həbs edilən 13 nəfər və digər şəxslər daxildir. Yeni siyahı ümumilikdə 12 kateqoriyadan ibarətdir: Jurnalistlər və blogerlər – 27 nəfər Hüquq müdafiəçiləri – 4 nəfər Müxalifət partiyalarının və vətəndaş cəmiyyətinin üzvləri – 32 nəfər Milli azlıqların fəalları – 4 nəfər Müharibə əleyhinə fəallar – 2 nəfər “Söyüdlü kəndinin işi” üzrə – 2 nəfər Almaniyadan deportasiya olunmuş siyasi mühacirlər – 5 nəfər Dindarlar – 235 nəfər “Tərtər işi” üzrə məhkumlar – 8 nəfər “Gəncə işi” üzrə məhkumlar – 13 nəfər Ömürlük həbs cəzası almış şəxslər – 11 nəfər “İmişli işi” üzrə həbs olunanlar – 13 nəfər Rəsul Ə.

Rejim Ülvi Həsənlidən qisas alır

Hamımızın gözü qarşısında, rejim açıq-aşkar Ülvi Həsənlidən qisas alır. Onu qanunsuz şəkildə Bakıdan xeyli uzaqda yerləşən, 3 yaşlı övladı ilə görüşmək imkanını əlindən alan Umbakı istintaq təcridxanasına köçürməklə faktiki olaraq ailəsindən təcrid ediblər. Bu, təkcə bir insanın hüquqlarının pozulması deyil — bu, ölkədə hökm sürən avtoritar idarəetmənin bütün çılpaqlığı ilə üzə çıxmasıdır. Ülvi bəy də bu ədalətsizliyə etiraz olaraq 21 gündür ki, aclıq aksiyası keçirir. Amma onu Penitensiar Xidmətin Müalicə Müəssisəsinə yerləşdirmək əvəzinə, fiziki olaraq onsuz da zəiflədiyi halda, cəzalandırıcı məqsədlə karsa salıblar. 40 dərəcə istidə, havalandırması olmayan, tibbi yardım və müayinədən məhrum bir kamerada saxlamaq — bu, sadəcə insanlığa qarşı rəftardır. Dövlət hakimiyyətini ələ keçirmiş qrup Ülvi Həsənlidən yalnız təsisçisi olduğu Abzas Medianın rejimin korrupsiya cinayətlərini üzə çıxardığı üçün deyil, həm də həbsdə olduğu halda belə Penitensiar Xidmətin işgəncə sistemini cəsarətlə...

Search This Blog