Azərbaycanla Avropa arasında münasibətlər pisləşdi

Azərbaycan Avropa Şurası Parlament Assambleyası (AŞPA) ilə əməkdaşlığı və qurumda iştirakını qeyri-müəyyən müddətə dayandırıb.

Avropa Şurası qanunsuz hərəkətlərinə görə Azərbaycana qarşı sanksiyalar tətbiq etməyə hazırlaşırdı və bu da axırı.

AŞPA deputatları Azərbaycan nümayəndə heyətinin 2024-cü il üçün səlahiyyətlərini ratifikasiya etməyib, “siyasi məhbusların olmasını, erməni əhalisinin Dağlıq Qarabağdan məcburi köçürülməsini və AŞPA-nın fevralın 7-də Azərbaycanda keçiriləcək prezident seçkilərinə müşahidəçi kimi dəvət edilməməsini tənqid edib.”

Avropa ilə Azərbaycan arasında münasibətlərin korlanması Avropada iş tapmaq və yaşamaq istəyənlər üçün çətinliklər yaradacaq. Ekspertlərin fikrincə, son proseslərlə əlaqədar Avropa ölkələrinə viza almaq çətin olacaq. Qonşu Ermənistan və Gürcüstan vətəndaşları Avropaya asanlıqla viza əldə etdiyi halda, azərbaycanlılar üçün viza məsələsi daha da pisləşib.

Azərbaycanla Avropa arasında münasibətləri pisləşdirmək istəyən məmurların isə nə vecinə? Onların və uşaqlarının diplomatik pasportları var. Olan yenə də sadə vətəndaşa oldu.

Rəsul Ə.

Comments

Demokratiya

Azərbaycan indi demokratiya baxımından qonşularından geri qalır. Biz ancaq İranla mübahisə edə bilərik, qalanları irəlidədir. Bu bir faktdır, burada demək olmaz ki, indiki mərhələdə şərait bu cür inkişaf edib və bütün vətəndaşlarımız bunda müxtəlif dərəcədə, ictimai-siyasi əhəmiyyəti ölçüsündə günahkardır. Rəsul Ə.

Siyasi Məhbusların Yenilənmiş Siyahısı

Azərbaycanda Siyasi Məhbusların Azadlığı Uğrunda İttifaq ölkədə siyasi məhbusların yenilənmiş siyahısını açıqlayıb. Bu dəfə siyahıya 357 nəfərin adı daxil edilib ki, bu da 2024-cü il dekabrın 12-də təqdim olunan əvvəlki siyahı ilə müqayisədə 26 nəfər çoxdur. Siyahıya jurnalistlər Fərid İsmayılov, Şəmşad Ağa, Şahnaz Bəylərqızı, eləcə də İmişlidəki iğtişaşlar zamanı həbs edilən 13 nəfər və digər şəxslər daxildir. Yeni siyahı ümumilikdə 12 kateqoriyadan ibarətdir: Jurnalistlər və blogerlər – 27 nəfər Hüquq müdafiəçiləri – 4 nəfər Müxalifət partiyalarının və vətəndaş cəmiyyətinin üzvləri – 32 nəfər Milli azlıqların fəalları – 4 nəfər Müharibə əleyhinə fəallar – 2 nəfər “Söyüdlü kəndinin işi” üzrə – 2 nəfər Almaniyadan deportasiya olunmuş siyasi mühacirlər – 5 nəfər Dindarlar – 235 nəfər “Tərtər işi” üzrə məhkumlar – 8 nəfər “Gəncə işi” üzrə məhkumlar – 13 nəfər Ömürlük həbs cəzası almış şəxslər – 11 nəfər “İmişli işi” üzrə həbs olunanlar – 13 nəfər Rəsul Ə.

Müasir Azərbaycanın bütün faciəsi onun sovet modelinə uyğun qurulmasındadır. Ölkədəki “demokratik hökumət”in bütün bəzəkləri Madam Tüsso Londondakı mum fiqurlara bənzəyir: onlar orijinalın dəqiq surətləridir, lakin istisnasız olaraq hamısı susur. Eyni şey Azərbaycan dövlətində formal olaraq mövcud olan bütün “demokratik” hakimiyyət institutlarında da baş verir. Rəsul Ə.

Search This Blog