Bildiyiniz kimi, Aleksey Navalnı Rusiya tarixinin ən qətiyyətli, istedadlı və parlaq siyasətçilərindən biri olsa da, 2024-cü il fevralın 16-da vəfat edib. Rusiya rejimi onu ciddi təhlükə olaraq görürdü, Aleksey Navalnı öldürmək üçün illər əvvəl onu zəhərləmişdi. Onda Navalnı xilas ola bilmişdi. Navalnı öz xalqını xilas etmək üçün həyatını qurban verdi. Putin rejimi onu əymək, sındırmaq, satın ala bilmədi. O ölsə belə, amma o bir qalibdir. Bəs bu ölüm Rusiya üçün hansı nəticələrə səbəb oldu? Gəlin birlikdə nəzər salaq.
İlk növbədə ondan başlayaq ki, Navalnının qətli Rusiya əhalisi arasında qorxu deyil, qəzəbi artırıb. Sərt repressiv şəraitə baxmayaraq, 10 min üzəri rusiyalı Navalnının xatirəsinə repressiya qurbanlarının xatirəsinə ucaldılmış abidələrə gül dəstələri gətirib, on minlərlə Rusiya vətəndaşı dövlətdən Aleksey Navalnının cəsədinin ailəsinə təhvil verilməsini tələb ediblər. Polis bu anım mərasimlərinin 400-dən çox iştirakçısını saxlayıb.
ABŞ prezidenti Bayden Putini açıq şəkildə təhqir etdi. Bu, artıq körpülərin yandırıldığını göstərir. Eyni zamanda ABŞ rəsmiləri Navalnının ölümünə görə ABŞ-ın Rusiyaya qarşı sərt sanksiyalar tətbiq edəcəyini bildiriblər.
Avropa İttifaqının Navalnının qətlinə görə Rusiyaya qarşı yeni sanksiyalar paketini qəbul edəcəyi gözlənilir.
Mübarizəni davam etdirəcəyini bildirən Aleksey Navalnının həyat yoldaşı Yuliya Navalnaya Avropa İttifaqının rəhbərliyinə ən yüksək səviyyədə qəbul edilib. Aİ Şurasının sədri Çarlz Mişel və Avropa Komissiyasının sədri Ursula fon der Leyen arasında Yuliya Navalnaya ilə görüşlər Rusiya müxalifətinə dəstəyin daha yüksək səviyyəyə qalxdığını nümayiş etdirdi.
Putinin Navalnı öldürməklə xalqı qorxu içində saxlamaq planı baş tutmadı. Bəli, Rusiya və Azərbaycandakı rejimlər də bilirlər ki, onların axırı yaxındır. Rəqiblərini və qorxduqları insanları məhv etmək üçün bacardıqları qədər çalışırlar. Amma alınmayacaq. Nə edirlərsə etsinlər, avtoritar dövlət başçıları və diktatorlar həmişə ağır cəzalara məruz qalacaqlar.
Rəsul Ə.
Comments
Post a Comment