OCCRP və tərəfdaş medialar tərəfindən aparılan yeni araşdırma Azərbaycan Prezidentinin Təhlükəsizlik Xidmətinin rəhbəri Bəylər Eyyubovun London və Dubayda aldığı 160 milyon dollar dəyərində daşınmaz əmlakı üzə çıxarıb.
Jurnalistlərin araşdırmaları göstərir ki, Bəylər Eyyubovun həyat yoldaşı Zöhrə Sultanova və qızı Elvira Eyyubovanın Londonun şimalındakı küçələrindən birində üç dəbdəbəli malikanə və milyonlarla dollarlıq digər mülkləri var. Bundan əlavə, Elvira Eyubovanın şəhər mərkəzinə yaxın iki penthaus və lüks mənzili var. Onun Kenterberidə, digəri isə dənizkənarı Dorset şəhərində bir mənzili var.
Sızan sənədlər göstərir ki, Eyubov və ailəsinin Dubayda da villaları və ofisi var. Dubayda yerləşən 10-dan çox mülk Bəylər Eyyubovun özünə, həyat yoldaşı Zöhrə Sultanovaya və qızı Elvira Eyyubova da daxil olmaqla üç övladına məxsusdur. Onların əksəriyyəti palma ağacı şəklində tikilmiş “Palm Jumeirah” süni adasının müxtəlif “budaqlarında” yerləşən villalardır.
Eyubovlar ailəsinin İngiltərədəki bu aktivlərə 2007-2018-ci illər arasında gizli ofşor şirkətlər vasitəsilə sahib olduğu bildirilir. Bundan əlavə, Eyubovun həyat yoldaşının iki biznesdə payı var. Bu, Londonda yerləşən kafe və Gürcüstanın kurort şəhəri Batumidə yerləşən 4 ulduzlu oteldir. Amma bu müəssisələr 2014-cü ilə qədər fəaliyyət göstərmirdi, yəni ailənin əldə etdiyi əmlakın maliyyə mənbəyini bu müəssisələrdən gələn gəlirlə izah etmək olmaz.
Bir sözlə, bu qədər üzə çıxan faktlara baxmayaraq, Azərbaycanın hüquq-mühafizə sistemi susur. Lakin ölkədə bir çox siyasi fəallar pulla bağlı müxtəlif cinayət məcəllələri ilə ittiham olunur və həbs edilir. Bir sözlə, Azərbaycanda baş verən bütün bu qanunsuzluqlara etiraz edən, haqq-hüquq tələb edən şəxslər, ölkənin sərvətlərini talayan, xalqdan oğurlanan milyardlarla vəsaiti xarici ölkələrə ixrac edən İlham Əliyev və onun quldur dəstəsi tərəfindən şərlənir, cəzalandırılır. Azərbaycanda çox ədalətsiz və dəhşətli bir dövr yaşanır hal hazırda. Bütün siyasi məhbuslara azadlıq istəyirik!
Rəsul Ə.
Comments
Post a Comment