İlham Əliyev hakimiyyəti həbslərə davam edir

Keçmiş diplomat Emin İbrahimov və “Talış Milli Akademiyasının xəbərləri”nin baş redaktoru İqbal Əbilov barəsində 4 ay müddətinə həbs qətimkan tədbiri seçilib.

Keçmiş diplomat və ictimai fəal Emin İbrahimov iyulun 22-də saxlanılıb. Yaxınlarının verdiyi məlumata görə, axşam saatlarında Emin İbrahimov zəng edərək Nizami RPİ-də olduğunu bildirib.

İyulun 24-də axşam saatlarında isə, Səbail Rayon Məhkəməsi "Talış Milli Akademiyasının xəbərləri"nin baş redaktoru İqbal Əbilovu 4 ay müddətinə həbs edib.

Keçmiş diplomat Emin İbrahimova Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-cı (xuliqanlıq) maddələri ilə ittiham elan edilib. Emin İbrahimovun vəkilinin sözlərinə görə, E.İbrahimov özünü təqsirli bilmir: "Özü qeyd edir ki, onu izləyiblər və bu qeyd olunan cinayət qondarmadır, onun tənqidi mövqeyi ilə bağlıdır".

İqbal Əbilov isə cinayət Məcəlləsinin 283 (milli ədavətin qızışdırılması) və 274 (dövlətə xəyanət) maddələri ilə ittiham olunur. Bu barədə onun atası Şahin Əbilov məlumat verib. Ş.Əbilovun sözlərinə görə, İ.Əbilov ona qarşı irəli sürülən ittihamları qəbul etmir. Hazırda hər iki şəxs 4 ay müddətinə həbs edilib.

Təəsüfki hal hazırda İlham Əliyev hakimiyyəti həftə səkkiz, mən doqquz hansısa partiya funksionerini, jurnalisti, vətəndaş cəmiyyəti fəalını heç nədən həbs edir. Azərbaycanda məhkəmə və prokurorluq sistemi qanunu qorumaq əvəzinə, saxtakar rejimin əlində cəza alətinə çevrilib. Bu rejimə son qoyulmalı və bütün siyasi məhbuslar azad edilməlidir. Biz hər bir siyasi məhbus üçün azadlıq tələb edirik.

Rəsul Ə.

Comments

Demokratiya

Azərbaycan indi demokratiya baxımından qonşularından geri qalır. Biz ancaq İranla mübahisə edə bilərik, qalanları irəlidədir. Bu bir faktdır, burada demək olmaz ki, indiki mərhələdə şərait bu cür inkişaf edib və bütün vətəndaşlarımız bunda müxtəlif dərəcədə, ictimai-siyasi əhəmiyyəti ölçüsündə günahkardır. Rəsul Ə.

Siyasi Məhbusların Yenilənmiş Siyahısı

Azərbaycanda Siyasi Məhbusların Azadlığı Uğrunda İttifaq ölkədə siyasi məhbusların yenilənmiş siyahısını açıqlayıb. Bu dəfə siyahıya 357 nəfərin adı daxil edilib ki, bu da 2024-cü il dekabrın 12-də təqdim olunan əvvəlki siyahı ilə müqayisədə 26 nəfər çoxdur. Siyahıya jurnalistlər Fərid İsmayılov, Şəmşad Ağa, Şahnaz Bəylərqızı, eləcə də İmişlidəki iğtişaşlar zamanı həbs edilən 13 nəfər və digər şəxslər daxildir. Yeni siyahı ümumilikdə 12 kateqoriyadan ibarətdir: Jurnalistlər və blogerlər – 27 nəfər Hüquq müdafiəçiləri – 4 nəfər Müxalifət partiyalarının və vətəndaş cəmiyyətinin üzvləri – 32 nəfər Milli azlıqların fəalları – 4 nəfər Müharibə əleyhinə fəallar – 2 nəfər “Söyüdlü kəndinin işi” üzrə – 2 nəfər Almaniyadan deportasiya olunmuş siyasi mühacirlər – 5 nəfər Dindarlar – 235 nəfər “Tərtər işi” üzrə məhkumlar – 8 nəfər “Gəncə işi” üzrə məhkumlar – 13 nəfər Ömürlük həbs cəzası almış şəxslər – 11 nəfər “İmişli işi” üzrə həbs olunanlar – 13 nəfər Rəsul Ə.

Rejim Ülvi Həsənlidən qisas alır

Hamımızın gözü qarşısında, rejim açıq-aşkar Ülvi Həsənlidən qisas alır. Onu qanunsuz şəkildə Bakıdan xeyli uzaqda yerləşən, 3 yaşlı övladı ilə görüşmək imkanını əlindən alan Umbakı istintaq təcridxanasına köçürməklə faktiki olaraq ailəsindən təcrid ediblər. Bu, təkcə bir insanın hüquqlarının pozulması deyil — bu, ölkədə hökm sürən avtoritar idarəetmənin bütün çılpaqlığı ilə üzə çıxmasıdır. Ülvi bəy də bu ədalətsizliyə etiraz olaraq 21 gündür ki, aclıq aksiyası keçirir. Amma onu Penitensiar Xidmətin Müalicə Müəssisəsinə yerləşdirmək əvəzinə, fiziki olaraq onsuz da zəiflədiyi halda, cəzalandırıcı məqsədlə karsa salıblar. 40 dərəcə istidə, havalandırması olmayan, tibbi yardım və müayinədən məhrum bir kamerada saxlamaq — bu, sadəcə insanlığa qarşı rəftardır. Dövlət hakimiyyətini ələ keçirmiş qrup Ülvi Həsənlidən yalnız təsisçisi olduğu Abzas Medianın rejimin korrupsiya cinayətlərini üzə çıxardığı üçün deyil, həm də həbsdə olduğu halda belə Penitensiar Xidmətin işgəncə sistemini cəsarətlə...

Search This Blog