Putinin Bakıdakı görüşündən sonra İlham Əliyev BRİCS təşkilatına üzv olmaq üçün namizədliyini irəli sürüb. Bu addımın niyə atıldığını anlamaq çətin deyil. İlham Əliyev bu addımı sadəcə olaraq Qərbin təzyiqlərini asanlıqla aradan qaldırmaq üçün atır. Müstəqil ekspertlərin fikrincə, BRİCS təşkilatı qeyri-demokratik ölkələrin ittifaqı hesab olunur. Ona görə də İlham Əliyev Qərb dövlətlərinin demokratiya məsələlərində təzyiqlərinə daha çox müqavimət göstərəcək. Çünki bəzi sanksiyalar tətbiq olunarsa, o, artıq Avropaya neft satmaq problemi ilə üzləşməyəcək.
Çünki o, Çin və Asiya ölkələrinə neft sata biləcək. Rusiya BRİCS alyansının qurucu ölkələrindən biri olduğundan və hazırda İlham Əliyevin diktatura rejimini davam etdirməyə çalışdığından biz görürük ki, o, Rusiyanın xətti və təklifləri ilə yolunu davam etdirmək istəyir.
Bəs qeyri-demokratik ölkələrin ittifaqı sayılan BRİCS-ə qoşulmaq Azərbaycan xalqına nə vəd edir? Əslində, İlham Əliyev adminstrasiyası hər bir istiqamətin iqtisadi məna daşıdığını söyləsə də, reallıq göründüyü kimi deyil. İlham Əliyev bu addımı atmaqla çox strateji addım atır ki, Qərbin təzyiqlərinə müqavimət göstərə bilsin.
Çünki son illər Avropada Qərb deputatlarının pul ilə ələ keçirməsi ilə bağlı qalmaqallardan sonra Azərbaycan rəhbərliyinin Qərbdə siyasi qərar qəbul edənlərə təsir mexanizmi yoxdur. Ona görə də heç bir islahat tələb etməyən ittifaqda qalmaq İlham Əliyevin Qərbin təzyiqlərinə müqavimət göstərməsinə kömək edəcək. Çünki İlham Əliyev avtoritar rejimi dəstəkləməkdə davam edir və beləliklə, hətta addımlarının miqyasını artırır.
Ona görə də sabah legitimliyini itirmək, digər demokratik ölkələrlə görüşlər, əlaqələr qurmaqda əngəllər yaratmaq problemi ilə üzləşəcək. Və burada BRİCS İlham Əliyevə bəzi dünya liderləri ilə rahat görüşlər keçirmək imkanı verəcək və Azərbaycan xalqına göstərəcəklər ki, İlham Əliyevin hələ də böyük əlaqələri və siyasi biliyi var. Lakin BRİCS ölkələrinə nəzər salsanız, onlardan bir neçəsini çıxmaq şərtilə, insan haqları və əhalinin rifahı ilə bağlı vəziyyət çox aşağı səviyyədədir.
Rəsul Ə.
Comments
Post a Comment