Azərbaycanda qanunsuzluq, insan hüquqlarının tapdanması, xalqın sərvətlərinin mənimsənməsi və məmur özbaşınalığı artıq adi bir hala çevrilib. Heydər Əliyevin miras qoyduğu, İlham Əliyevin isə daha da dərinləşdirdiyi bu avtoritar və korrupsioner rejimdə vicdanlı, azadlıq istəyən insanlar susdurulur, hüquqlarını müdafiə edənlər isə cəzalandırılır. Əvəzində məmurlar daha da azğınlaşır, xalqın gözü qarşısında ağlasığmaz qanunsuzluqlar törədirlər.
Son günlərdə yayılan xəbərlər Adnan Əhmədzadə adlı yüksək vəzifəli məmurun adını yenidən gündəmə gətirib. O da minlərlə başqa məmur kimi rejimin qanunsuz sisteminin bir parçasıdır və törətdiyi əməllər bu çürümüş rejimin mahiyyətini açıq şəkildə göstərir. Kimdir Adnan Əhmədzadə? Adnan Əhmədzadə uzun illər SOCAR — Azərbaycan Dövlət Neft Şirkətində müxtəlif yüksək vəzifələrdə çalışıb. O, son illərdə SOCAR-ın İnvestisiya Departamentinin rəhbər müavini və “Azeri Light” markalı neftin satış və marketinq proseslərinə nəzarət edən əsas şəxslərdən biri olub.
Məlumatlara görə, Adnan Əhmədzadə neftin digər xam məhsullarla qanunsuz şəkildə qarışdırılmasında və bu prosesdən şəxsi qazanc əldə etməkdə ittiham olunur. Bu əməl təkcə dövlət qanunlarının pozulması deyil, həm də Azərbaycanın neft sənayesinin etibarına ciddi zərbədir. Onun haqqında həmçinin iqtisadi təhlükəsizliyə qarşı sui-istifadə, külli miqdarda mənimsəmə və vəzifə səlahiyyətlərindən sui-istifadə ittihamları da səslənir.
Təəssüf ki, Azərbaycan xalqı hələ də dövlət resurslarının necə idarə olunduğunu, neft gəlirlərinin kimlərin ciblərinə axdığını görə bilmir. Hakimiyyət məmurların cinayətlərini ört-basdır edir, bu haqda danışan jurnalistləri isə təqib və həbs edir.
Adnan Əhmədzadə məsələsi açıq şəkildə göstərir ki, hakimiyyətin korrupsiyaçı səhifələri illərdir cəmiyyətdən gizlədilir. Repressiya təkcə jurnalistlərə qarşı deyil — xalqın haqqını müdafiə edən hər kəs bu rejimin hədəfindədir.
Adnan Əhmədzadə bu struktural korrupsiya şəbəkəsinin sadəcə bir üzvüdür. Onun kimi yüzlərlə, minlərlə məmur var — və bu sistemin başında duran şəxs İlham Əliyevin özüdür.
Azərbaycanda jurnalistlərin və həqiqəti danışan insanların qorunması əvəzinə, xalqın sərvətini mənimsəyən məmurların qorunması təmin olunur. Çünki bu məmurların hamısının başçısı elə İlham Əliyevdir — ölkənin ən böyük korrupsiya siması.
Biz tələb edirik ki, kim qanunu pozubsa, xalqın sərvətini oğurlayıbsa, dövlət və xalq qarşısında cavab versin.
Heç bir məmur — istər kiçik, istər böyük — ədalətdən kənarda qalmamalıdır.
Xalqın pulu xalqındır, məmurların şəxsi sərvəti deyil!
Rəsul Ə.
Comments
Post a Comment