Günahsız insanların həbsi davam edir

Azərbaycanda rejim öz repressiya siyasətini daha da sərtləşdirir.

Hər gün günahsız insanların həbsi, ailələrinin təzyiq və təhdidlərə məruz qalması artıq adi hala çevrilib. Hakimiyyət qorxur – çünki xalqın səsi susmur, haqsızlığa qarşı danışanların sayı azalmaq əvəzinə artır.

Azərbaycan Xalq Cəbhəsi Partiyasının üzvü Rahil Quliyev 3 il müddətinə azadlıqdan məhrum edildi. Rahil bəy, bu ilin mart-aprel aylarında rejimin “siyasi sifarişlə” həbs etdiyi 8 AXCP fəalından biridir. Onun “günahı” yalnız azad, ədalətli və demokratik Azərbaycan istəməsidir.

Eyni zamanda, Çexiyanın Karlova Universitetinin doktorantı, siyasi məhbus Bəhruz Səmədov hazırda 11 saylı cəzaçəkmə müəssisəsində qapalı şəraitdə saxlanılır. Ona bildirilib ki, ay yarım bu şəraitdə qalacaq, sonra isə qapalı tipli müəssisəyə köçürüləcək. Axı bu gəncin cinayəti nədir? Düşünmək? Yazmaq? Sual vermək?

Rejim illərdir ki, xalqın azadlıq istəyinə qarşı amansız müharibə aparır. Jurnalistlər, fəallar, ziyalılar, tələbələr – kim ki fərqli düşünür, kim ki həqiqəti deyir – hamısı eyni repressiya maşınının hədəfindədir.

Bu, qorxunun siyasətə çevrildiyi, ədalətin isə siyasi alətə döndüyü bir sistemdir.

Amma unutmasınlar: həbsxanalar ideyaları öldürmür.

Hər bir siyasi məhbusun sükutu içində azadlığın hayqırtısı var.

Azadlıq istəyi nə zəncirlə bağlana, nə də qapalı kameraya salına bilər.

Siyasi məhbuslara azadlıq!

Azad Azərbaycana azad insanlar yaraşır!

Rəsul Ə.

Comments

Demokratiya

Azərbaycan indi demokratiya baxımından qonşularından geri qalır. Biz ancaq İranla mübahisə edə bilərik, qalanları irəlidədir. Bu bir faktdır, burada demək olmaz ki, indiki mərhələdə şərait bu cür inkişaf edib və bütün vətəndaşlarımız bunda müxtəlif dərəcədə, ictimai-siyasi əhəmiyyəti ölçüsündə günahkardır. Rəsul Ə.

Rejim Ülvi Həsənlidən qisas alır

Hamımızın gözü qarşısında, rejim açıq-aşkar Ülvi Həsənlidən qisas alır. Onu qanunsuz şəkildə Bakıdan xeyli uzaqda yerləşən, 3 yaşlı övladı ilə görüşmək imkanını əlindən alan Umbakı istintaq təcridxanasına köçürməklə faktiki olaraq ailəsindən təcrid ediblər. Bu, təkcə bir insanın hüquqlarının pozulması deyil — bu, ölkədə hökm sürən avtoritar idarəetmənin bütün çılpaqlığı ilə üzə çıxmasıdır. Ülvi bəy də bu ədalətsizliyə etiraz olaraq 21 gündür ki, aclıq aksiyası keçirir. Amma onu Penitensiar Xidmətin Müalicə Müəssisəsinə yerləşdirmək əvəzinə, fiziki olaraq onsuz da zəiflədiyi halda, cəzalandırıcı məqsədlə karsa salıblar. 40 dərəcə istidə, havalandırması olmayan, tibbi yardım və müayinədən məhrum bir kamerada saxlamaq — bu, sadəcə insanlığa qarşı rəftardır. Dövlət hakimiyyətini ələ keçirmiş qrup Ülvi Həsənlidən yalnız təsisçisi olduğu Abzas Medianın rejimin korrupsiya cinayətlərini üzə çıxardığı üçün deyil, həm də həbsdə olduğu halda belə Penitensiar Xidmətin işgəncə sistemini cəsarətlə...

Siyasi Məhbusların Yenilənmiş Siyahısı

Azərbaycanda Siyasi Məhbusların Azadlığı Uğrunda İttifaq ölkədə siyasi məhbusların yenilənmiş siyahısını açıqlayıb. Bu dəfə siyahıya 357 nəfərin adı daxil edilib ki, bu da 2024-cü il dekabrın 12-də təqdim olunan əvvəlki siyahı ilə müqayisədə 26 nəfər çoxdur. Siyahıya jurnalistlər Fərid İsmayılov, Şəmşad Ağa, Şahnaz Bəylərqızı, eləcə də İmişlidəki iğtişaşlar zamanı həbs edilən 13 nəfər və digər şəxslər daxildir. Yeni siyahı ümumilikdə 12 kateqoriyadan ibarətdir: Jurnalistlər və blogerlər – 27 nəfər Hüquq müdafiəçiləri – 4 nəfər Müxalifət partiyalarının və vətəndaş cəmiyyətinin üzvləri – 32 nəfər Milli azlıqların fəalları – 4 nəfər Müharibə əleyhinə fəallar – 2 nəfər “Söyüdlü kəndinin işi” üzrə – 2 nəfər Almaniyadan deportasiya olunmuş siyasi mühacirlər – 5 nəfər Dindarlar – 235 nəfər “Tərtər işi” üzrə məhkumlar – 8 nəfər “Gəncə işi” üzrə məhkumlar – 13 nəfər Ömürlük həbs cəzası almış şəxslər – 11 nəfər “İmişli işi” üzrə həbs olunanlar – 13 nəfər Rəsul Ə.

Search This Blog