Azərbaycan polisinin amansızlığı və vətəndaşlara qarşı qəddarlığı artıq bütün dünya tərəfindən bilinir. Ölkəmizdəki polislərin davranışlarını nə ilə izah etmək olar? Onlar niyə belə quduz it kimi hərəkət edir, öz xalqına qarşı düşmən mövqeyi sərgiləyirlər? Heç ağır cinayətlərə görə ittiham olunan şəxslər belə bu cür rəftar görmür.
Amma yoxsul vətəndaşlar sadəcə səsini çıxarıb ədalət tələb etdikdə, qarşısına acımasızlıq divarı çıxır. Xalqın səsini eşitdirmək və sözünü demək haqqı belə tanınmır. Hakimiyyətə öz iradəsini bildirən hər kəs dərhal polis tərəfindən dayandırılır, onlara qol-qıç sındırmaqla və güc tətbiq etməklə cavab verilir – və bu, polislər tərəfindən xüsusi bir həvəslə edilir. Bu amansızlıq nədən qaynaqlanır? Yazıq xalq sanki ağır bir günah törətmiş kimi cəzalanır, işgəncələrə məruz qalır.
Bu vəhşicəsinə davranışa artıq kimsə “yetər” deməlidir. Ölkədə bu cür hadisələrin sayı günü-gündən artır. Vətəndaşlar artıq boğaza yığılıb. Yoxsul xalqın ən kiçik səhvinə görə onlara amansızlıq göstərilir. Nə vaxt Azərbaycanda insanlar rahat və azad şəkildə öz sözlərini deyə biləcək? Nə vaxt bu cür amansız münasibət sona çatacaq? Bu vicdansızlığın sonu olmalıdır, artıq dayanmalıdır!
Rəsul Ə.
Comments
Post a Comment