Ədalətli və Azad Dövlət

Posts

Azərbaycanda Həqiqəti Danışmaq Cinayət Sayılır!

Azərbaycanda hər il İlham Əliyev rejiminin kirli simasını ifşa edən, ölkədəki qanunsuzluqları, korrupsiyanı və ədalətsizliyi işıqlandıran günahsız jurnalistlər həbs olunur. Onlara qarşı saxta ittihamlar irəli sürülür, polis bölmələrində işgəncələr verilir, yalnız düz söz dediklərinə görə azadlıqlarından məhrum edilirlər. Bu gün “Abzas Media işi” üzrə məhkəmə prosesi tamamlanıb və jurnalistlərə ağır həbs cəzaları verilib. Bu, təkcə jurnalistlərə qarşı deyil — söz azadlığına, həqiqətə və cəmiyyətin informasiya hüququna qarşı hücumdur! Hakimiyyət təkcə jurnalistləri deyil, onların ailələrini də təzyiq hədəfinə çevirib. “Abzas Media”nın direktoru Ülvi Həsənlinin həyat yoldaşı Rübabə Quliyevanın ölkədən çıxışına qadağa qoyulub. Niyə? Nə cinayət törədib? Dövlətin rüşvət və zorakılıqla dolu iç üzünü dünyaya göstərdiyinə görəmi? Rübabə Quliyeva Václav Havel İnsan Haqları Mükafatının finalçılarından biri kimi Strasburqa yola düşərkən, hava limanında ona Daxili İşlər Nazirliyinin ölkədən çıxış y...

Azərbaycanda polis: “sənin hüququn var?”.

Azərbaycanda polis özbaşınalığı artıq dözülməz həddə çatıb. Sual yaranır: bu şərəfsizliyə, bu qudurmuşluğa bir gün kimsə “dayan” deyəcək? Polis adını daşıyanların böyük bir hissəsi əslində xalqın düşməninə çevrilib. Onlar vətəndaşla insan kimi yox, it kimi davranır, hüququnu tapdalayır, təhqir edir, şiddət göstərir. Paylaşılan səs yazısı isə bir daha təsdiqləyir ki, bu ölkədə demokratiya deyilən anlayış çoxdan ölüb. Polisin “sənin hüququn var?” ifadəsi açıq etirafdır: Azərbaycanda vətəndaşın hüququ yoxdur. Bu, təsadüfi bir hal deyil – bu, sistemin təməlidir. O polis qazi anası ilə elə bir tərzdə danışır ki, insanın qanı donur. Ay vicdansız, ay şərəfsiz! Sən kimsən ki, bir qadınla – həm də qazi anası ilə – belə rəftar edirsən? Sənə bu haqqı kim verib? Başında duran Vilayət Eyvazovmu? Yoxsa sizin ən böyük başçınız, bütün bu quldurluq rejiminin memarı İlham Əliyev? Bu, ilk deyil. Bu, son da olmayacaq. Çünki Azərbaycanda polis heç vaxt cəzalandırılmır. Burada hüquq işləmir, burada qanun yo...

Yol pulu 60 qəpik oldu – gənclər necə dolansın?

Azərbaycanda nəqliyyat qiymətləri 20 faiz qaldırılıb. Belə baxanda deyirsən “10 qəpikdir, nə olsun?”, amma əsas sual budur: Azərbaycanda hansı insanın maaşı və ya pensiyası 20 faiz artıb? Bir gənc ayda 30-40 manat təkcə yol puluna xərcləyir. Yazıq gənc nə qədər qazanır ki, onun da xeyli hissəsini yol puluna versin? Dövlət ancaq öz cibini düşünür. Bu, insanların cibinə girmək deməkdir. Onsuz da millət acından günorta oyanır. Axı niyə yenə nəqliyyat pulu artırıldı? Keçən il də qaldırılmışdı. Bu, o deməkdir ki, hər il bu artımlar olacaq? İndi bir gediş 60 qəpikdir. Təsəvvür edin, bir insan uzaqda yaşayırsa, gündə 5-6 manat təkcə yol puluna xərcləməli olur. Bu da hələ ən azıdır. Xırda-xırda qaldırılan nəqliyyat qiymətləri əslində millətin cibindən oğurlamaqdır. İlham Əliyev isə sözdə guya “milləti” düşünür. Bu, pambıqla baş kəsmək kimidir, vallah. Rəsul Ə.

Rejim Ülvi Həsənlidən qisas alır

Hamımızın gözü qarşısında, rejim açıq-aşkar Ülvi Həsənlidən qisas alır. Onu qanunsuz şəkildə Bakıdan xeyli uzaqda yerləşən, 3 yaşlı övladı ilə görüşmək imkanını əlindən alan Umbakı istintaq təcridxanasına köçürməklə faktiki olaraq ailəsindən təcrid ediblər. Bu, təkcə bir insanın hüquqlarının pozulması deyil — bu, ölkədə hökm sürən avtoritar idarəetmənin bütün çılpaqlığı ilə üzə çıxmasıdır. Ülvi bəy də bu ədalətsizliyə etiraz olaraq 21 gündür ki, aclıq aksiyası keçirir. Amma onu Penitensiar Xidmətin Müalicə Müəssisəsinə yerləşdirmək əvəzinə, fiziki olaraq onsuz da zəiflədiyi halda, cəzalandırıcı məqsədlə karsa salıblar. 40 dərəcə istidə, havalandırması olmayan, tibbi yardım və müayinədən məhrum bir kamerada saxlamaq — bu, sadəcə insanlığa qarşı rəftardır. Dövlət hakimiyyətini ələ keçirmiş qrup Ülvi Həsənlidən yalnız təsisçisi olduğu Abzas Medianın rejimin korrupsiya cinayətlərini üzə çıxardığı üçün deyil, həm də həbsdə olduğu halda belə Penitensiar Xidmətin işgəncə sistemini cəsarətlə...

Azərbaycanda həbsxana deyil, cəmiyyətin özü dustaqdır!

Avropa Şurasının “2024 SPACE I” adlı rəsmi hesabatına görə Azərbaycan Avropa ölkələri arasında ən çox adam həbs edən ikinci ölkədir. Hər 100 min nəfərə 264 məhkum – bu rəsmi rəqəmdir. Üstəlik, hər 100 yerə 103 məhkum düşür. Sözün qısası: həbsxanalar doludur, amma ədalət yox! Bu nə deməkdir? Ölkədə fikir demək, tənqid demək, yazmaq, həqiqəti göstərmək — cinayət sayılır. Bu gün Azərbaycanda 376 siyasi məhbus var. Onlardan 29-u jurnalist və media işçisidir. Sual verirəm: Bu nə qədər qəddar və qorxmuş bir sistemdir ki, qələmlə vuruşanlardan belə qorxur? Zərdabinin yolunu seçənlər bu gün məhz həbsxanalardadır. Bu ölkədə həqiqəti yazmaq üçün ya susmalısan, ya da dustaq olmağa hazır olmalısan. Bəs biz niyə susmalıyıq? Susanda nə dəyişib bu 30 ildə? Mətbuatın 150 illiyi qeyd edilir. Amma mətbuat azadlığı yoxdur. Azad olmayan bir mətbuatın bayramı nəyə gərəkdir? Mən buradan həbsdə olan vicdanlı jurnalistlərə, hüquq müdafiəçilərinə, siyasi məhbuslara səslənirəm – xalq sizi unutmayacaq! Ən azında...

Azərbaycanda ifadə azadlığı

2025-ci ilin İllik Qlobal İfadə Hesabatına əsasən, Azərbaycan ifadə azadlığı sahəsində ciddi problemlərlə üzləşən ölkələr sırasındadır. Hesabatda Azərbaycan 6 balla 161 ölkə arasında 144-cü pillədə qərarlaşıb və "böhran vəziyyətində olan ölkələr" kateqoriyasına daxildir. Region ölkələrinə nəzər saldıqda, Gürcüstan 56 balla 77-ci, Ermənistan isə 67 balla 59-cu yerdə qərarlaşıb. Türkiyə 9 balla 137-ci yerdədir, Rusiya isə cəmi 3 balla 151-ci pilləni tutur. Bu göstəricilər bölgədə ifadə azadlığının vəziyyətini açıq şəkildə ortaya qoyur. Azərbaycanın qonşuları ilə müqayisədə daha zəif nəticə göstərməsi, bu sahədə ciddi islahatlara ehtiyac olduğunu göstərir. Rəsul Ə.

Qanun Kazinonu Qoruyur, Xalqı Yox

Hamının diqqəti müharibəyə yönəldiyi bir vaxtda, səssiz-səssiz Azərbaycanda kazino qanunları dəyişdirilir. Yeni qanun layihəsinə əsasən, ölkədə yalnız süni torpaq sahələrində kazino fəaliyyət göstərə biləcək. Ölkədə belə süni torpaq sahəsi varmı? Bəli. Və yalnız biri var — Emin Ağalarovun Nardaranda inşa etdiyi süni adalar. Başqa sözlə desək, bu qanun bir nəfərin biznesinə yaşıl işıq yandırır. Bu artıq qanun deyil, şəxsi maraqlar üçün yazılmış hüquqi sənəddir. Ölkədə işsizlik, inflyasiya, sosial problemlər varkən, hakimiyyətin diqqətini kazino qanunu çəkməsi — özü bir “oyun”dur. Sadəcə, xalq bu oyunda iştirak etmir. Tamaşaçıdır. Rəsul Ə.

Repressiya və Qorxu Siyasəti

Azərbaycanda hüquq sistemi və güc strukturları artıq ədalət axtaranların deyil, siyasi əqidəsinə görə insanları cəzalandıran bir mexanizmə çevrilib. Sanki dövlətin əlində siyasi məhbus istehsal edən bir sex var və bu sex bu dəfə Müsavat Partiyasının Biləsuvar təşkilatının üzvlərini – Ələddin Ələsgərli, Cabir Vəliyev və Qoşqar Nuralını “istehsal edib”. Onlar heç bir əsası olmayan, saxta “xuliqanlıq” ittihamı ilə 2 ildən artıq müddətə həbsə atılıblar. Bu, birbaşa repressiya və qorxu siyasətidir. Biz Müsavat Partiyasının həbs olunan üzvlərinə və Tofiq Yaqublu başda olmaqla bütün siyasi məhbuslara azadlıq tələb edirik. Ədalət yalnız seçilmişlər üçün deyil, hamı üçün olmalıdır. Və bu ölkədə bir gün gerçək ədalət hökm sürəcək! Rəsul Ə.

Zorlamaqla təhdid edilən Ülviyyə Əli

Əgər bu ölkədə jurnalist Ülviyyə Əlini bir gündə iki dəfə zorlamaqla təhdid edən, başına yeddi yumruq vuran polislər cəzasız qalacaqsa, heç kimin şübhəsi qalmasın – bu ölkədə zorakılıq artıq dövlət siyasətidir. Ülviyyə Əli vaxtilə “Amerikanın Səsi” radiosunda çalışıb. Müstəqil media sıxışdırıldıqdan sonra da o, sosial şəbəkələrdə jurnalistika və hüquq müdafiəçiliyini dayandırmadı. Heç bir yerdə işləmədiyi halda, fədakarcasına siyasi məhbusların müdafiəsini təşkil edirdi. Ülviyyə xanımın necə şərlənərək həbs olunması və həbsin ilk günlərində başına gələnlər haqda yazdıqlarını burada qeyd edirəm. Belə istedadlı, cəsarətli və prinsipial xanımların varlığı bizi ümidləndirir. Deməli, 30 illik rejimə baxmayaraq, bu ölkədə hələ də mübariz gənclik var. 1-ci hissə. Mən necə saxlanıldım? 6 may Tofiq Yaqublu və “Abzas Media işi“i lə bağlı məhkəmələri çəkmişdim və öz profilimdən məlumatları paylaşmışdım. “Amerikanın Səsi” bağlanandan sonra iş yerimi itirmişdim və profilimdə də yazmışdım ki, i...

Tofiq Yaqublu artıq 37 gündür ki, aclıq aksiyasındadır

65 yaşlı Tofiq Yaqublu artıq 37 gündür ki, aclıq aksiyasındadır. İlham Əliyev isə ona qarşı sərgilədiyi qərəzli mövqedə israrlı davranmağa davam edir. Bakı Apellyasiya Məhkəməsi artıq onun verdiyi apellyasiya şikayətinə ilkin baxışı həyata keçirib. Halbuki bu məhkəmə, Tofiq bəyi ev dustaqlığına buraxmaqla onun bir mülki xəstəxanada müalicəsini təmin edə bilərdi. Lakin bu baş vermədi – aclığın 36-cı günündə olan bir insanı evə buraxmaq əvəzinə, onu həbsdə saxladılar. Qızı Nigar Həzi bu qərarı belə qiymətləndirir: “Bu, Tofiq Yaqublunun ölümünə fərman verildiyini göstərir”. "Mən nə edə bilərəm ki?" deyərək kənara çəkilmək vicdana sığmaz. Ölümün ayaq səslərini duyduğunu bildirən Tofiq Yaqublu, hər gün ölüm xəbərini alma ehtimalı ilə üz-üzədir. O, bu ölkənin və xalqın haqq-ədalət uğrunda mübarizəsinə rəhbərlik edən simalardan biridir. Heç bir cinayət törətmədiyi halda ölümlə üzbəüz saxlanılması isə, Əliyev rejiminin xalqın iradəsinə və hüquq normalarına qarşı olan münasibətini açı...

"Xural" TV-nin rəhbəri Əvəz Zeynallı xərçəng xəstəliyinə tutulub

Tanınmış jurnalist, "Xural" TV-nin rəhbəri Əvəz Zeynallının xərçəng xəstəliyinə tutulması xəbəri məni dərindən sarsıtdı. O, artıq iki ildir ki, siyasi motivlərlə həbsdə saxlanılır və 9 il azadlıqdan məhrum edilib. Bu, onun ilk dəfə həbs olunması deyil – 2011-ci ildə də oxşar siyasi təzyiqlə həbs olunmuş və illərlə azadlıqdan məhrum edilmişdi. Əvəz bəyin həyat yoldaşı Məlahət xanımın bildirdiyinə görə, onun səhhəti ciddi şəkildə pisləşib. 6 saylı cəzaçəkmə müəssisəsindən Onkologiya Mərkəzinə aparılıb və biopsiya nəticəsində məlum olub ki, bağırsaqda aşkarlanan bədxassəli şiş artıq metastaz verərək qaraciyərə yayılıb. Ən acınacaqlısı isə odur ki, bu diaqnoz sadəcə tibbi məsələ deyil – bu, siyasi bir cinayətin nəticəsidir. İlham Əliyevin rəhbərlik etdiyi rejim bir insanın, bir jurnalistin səhhətindəki dəyişikliyə aylarla, illərlə göz yumaraq, faktiki olaraq onun ölüm hökmünü gözləyib. Söz azadlığını boğmaq üçün istənilən yola əl atan bu rejim, bu dəfə də susmadı – sadəcə yavaş v...

Search This Blog